​Masallıda təndirxana yanıb

Bakı. 30 oktyabr. REPORT.AZ/ Gecə saatlarında Masallı rayonunun Kalinovka kəndində vətəndaşa məxsus təndirxanada yanğın olub.

"Report" xəbər verir ki, hadisə nəticəsində obyektin tavanı və içərisinə yığılmış odun parçaları yanıb.

Təndirxananın qalan hissəsi və yaxınlıqdakı ev yanğından mühafizə olunub. Yanğın saat 02:50-də yanğınsöndürənlər tərəfindən söndürülüb.