Lənkəranda qaz sızmasından partlayış baş verib, 5 nəfər xəsarət alıb

Bakı. 12 dekabr. REPORT.AZ/ Azərbaycanın Lənkəran şəhərində qaz sızmasından partlayış baş verib. "Report" Daxili İşlər Nazirliyinin (DİN) rəsmi saytına istinadən xəbər verir ki, hadisə Lənkəranın Liman şəhəri, M.Ə.Sabir küçəsində qeydə alınıb. Partlayış nəticəsində evin divarında çatlar əmələ gəlib, pəncərə şüşələri sınıb, qapı çərçivədən çıxıb. Yanıq xəsarəti alan İ.Zərbiyev, arvadı Elnarə, qızları Aytac, Nərmin və oğlu Kənan xəstəxanaya yerləşdiriliblər.