Daha bir piyada yol qəzasının qurbanı olub

Bakı. 21 iyul. REPORT.AZ/ Bərdə rayonunda piyadanın vurulması ilə nəticələnən yol qəzası baş verib. "Report"un məlumatına görə hadisə rayonun Əliyanlı kəndi ərazisində qeydə alınıb. Belə ki, "Mercedes" markalı avtomobil yolu keçmək istəyən piyadanı vurub. Yaralı aldığı xəsarətdən yerindəcə keçinib. Qəza zamanı ölən şəxsin kimliyini hələ ki, müəyyən etmək mümkün olmayıb. Faktla bağlı araşdırma aparılır.