Bakı. 14 sentyabr. REPORT.AZ/ Bu gecə İmişli rayonunun Telişli kəndi ərazisində 2 nəfərin xəsarət alması ilə nəticələnən yol qəzası baş verib.
"Report" xəbər verir ki, hələlik adı məlum olmayan Kürdəmir rayon sakini "Mercedes" markalı avtomobillə hərəkətdə olarkən qəfil idarəetməni itirib. Maşın yolun kənarına aşıb.
Hadisə nəticəsində sürücü və avtomobildə olan sərnişin - İmişli rayon sakini, 1986-cı il təvəllüdlü Elçin Rasəddin oğlu Həsənov müxtəlif dərəcəli bədən xəsarətləri alıblar. Sürücü Kürdəmir, sərnişin isə İmişli rayon mərkəzi xəstəxanalarına çatdırılıb.
Faktla bağlı araşdırma aparılır.