Goranboyda 19 ədəd minaatan başlığı tapılıb

Bakı. 7 mart. REPORT.AZ/ Goranboyda 19 ədəd minaatan başlığı da daxil olmaqla silah-sursat tapılıb. "Report"un xəbərinə görə, Goranboy Rayon Polis Şöbəsinin əməkdaşları tərəfindən rayonun Kələk kəndindən 19 ədəd minaatan başlığı, 33 ədəd yararsız minaatan alışdırıcısı, 9 ədəd “RPQ-7” qumbarasının alışdırıcısı, 3 ədəd mərmi və 1 ədəd alışdırıcısı tapılıb.

Faktla bağlı araşdırma aparılır.