Elman Rüstəmova ağır itki üz verib - FOTO

Bakı. 5 avqust. REPORT.AZ/ Azərbaycan Mərkəzi Bankının (AMB) sədri Elman Rüstəmova ağır itki üz verib.

“Report”un xəbərinə görə, E.Rüstəmovun dayısı professor Telman Hüseynov vəfat edib.

Qeyd edək ki, 82 yaşlı T.Hüseynov Azərbaycan Dövlət İqtisad Universitetinin (UNEC) İqtisadiyyat kafedrasının məsləhətçi professoru idi. O, elmi nailiyyətlərinə görə 1991-ci ildə “Əməkdar iqtisadçı”, 2006-cı ildə “Əməkdar müəllim” fəxri adlarına layiq görülüb, 2011-ci ildə isə “Şöhrət” ordeni ilə təltif edilib.