Daşkəsəndə traktor aşması nəticəsində sürücü ölüb

Bakı. 25 sentyabr. REPORT.AZ/ Azərbaycanın Daşkəsən rayonunun Mollahəsənli kəndində yol-nəqliyyat hadisəsi baş verib. Bu barədə "Report"a Daxili İşlər Nazirliyindən (DİN) məlumat daxil olub. Belə ki, Daşkəsən rayonunun Mollahəsənli kəndində kənd sakini Elşad Paşayev idarə etdiyi “T-16” markalı traktoru aşırıb. Sürücü aldığı xəsarətdən hadisə yerində dünyasını dəyişib.