Bir neçə cinayətə görə tutulan şəxsin evlərdən oğurluq da etdiyi üzə çıxıb

Bakı. 21 avqust. REPORT.AZ/ Bir neçə növ cinayət əməllərinə görə tutulan şəxsin evlərdən oğurluq etməsi də müəyyən edilib.

"Report"un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Avqustun 19-da narkotik vasitə, saxta pul hazırladığına və quldurluq etdiyinə görə tutulan Bəxtiyar Məmmədovun ətrafında Baş Cinayət-Axtarış İdarəsi və Gəncə Şəhər Baş Polis İdarəsinin əməkdaşlarının apardığı əməliyyat tədbirləri ilə onun Hicran Namazova, habelə bu ilin iyun-iyul aylarında şəhər sakinləri Firdovsi Əliyevə, İlqar Səfərova, Qabil Bayramova və Dürdanə Zalovaya məxsus evlərdən pul, qızıl və məişət əşyaları oğurlaması da müəyyən edilib.

Faktla bağlı araşdırma aparılır.