Binəqədi rayonunda köməksiz vəziyyətdə qalan 3 nəfər xilas edilib

Bakı. 19 dekabr. REPORT.AZ/ Bakıda köməksiz vəziyyətdə qalan şəxslər xilas edilib.

"Report" Fövqəladə Hallar Nazirliyinə istinadən xəbər verir ki,(FHN)-in “112” qaynar telefon xəttinə Bakı şəhəri, Binəqədi rayonunda yaşayış binasının liftində 3 nəfərin köməksiz vəziyyətdə qalması barədə məlumat daxil olub.

Dərhal hadisə yerinə Fövqəladə Hallar Nazirliyinin müvafiq xilasetmə qüvvələri cəlb edilib. Xilasedicilər liftin qapılarını açaraq və vətəndaşların liftdən çıxmasına şərait yaradıblar.