Bakı. 21 sentyabr. REPORT.AZ/ Beyləqanda həmkəndlisini qayçı ilə öldürən şəxs tutulub. "Report"
Məlumata əsasən, Beyləqan rayonunun Örənqala kəndindəki çayxanada kənd sakini Elçin Qarayev münaqişə zəminində həmkəndlisi Şəmistan Qəhrəmanova qayçı ilə xəsarət yetirib. Xəstəxanaya yerləşdirilən Ş.Qəhrəmanov orada ölüb.
Beyləqan Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində E.Qarayev tutulub.
Faktla bağlı araşdırma aparılır.