Bakı. 15 avqust. REPORT.AZ/ Hüquq müdafiəçisi Bəxtiyar Hacıyevin nədə ittiham edildiyi məlum olub.
Onun vəkili Adəm Məmmədov "Report"a bildirib ki, B.Hacıyev İnzibati Xətalar Məcəlləsinin 510-cu (xırda xuliqanlıq) maddəsi ilə ittiham olunur.
A.Məmmədov bildirib ki, hazırda Yasamal Rayon Məhkəməsində gözləyirlər: "Bəxtiyar Hacıyevə 500 manat cərimə də kəsilə, 15 sutkalıq həbs cəzası da verilə bilər".