Bakı. 28 oktyabr. REPORT.AZ/ Bərdə şəhərində itkin düşən azyaşlı tapılıb. "Report"un məlumatına görə, 7 yaşlı oğlan doğmalarının və polisin intensiv axtarışlarının nəticəsində bu gün üzə çıxıb.
Yaxınlarının verdiyi məlumata görə, naməlum şəxs uşağı avtomobillə gətirərək evin qarşısında düşürüb. Hazırda polis həmin şəxsin tapılması istiqamətində əməliyyat-axtarış tədbirləri həyata keçirir.
Qeyd edək ki, ötən gün günorta saatlarında 7 yaşlı Xəlilzadə Elsevər Təbriz oğlu təhsil aldığı Bərdə şəhəri 3 saylı məktəbdən çıxıb və evə qayıtmayıb.