​Balakəndə vətəndaşa məxsus tikilidə yanğın olub

Bakı. 15 may. REPORT.AZ/ Ötən gün axşam saatlarında Balakən rayonunun Kortalar kəndində yanğın hadisəsi baş verib.

"Report" Fövqəladə Hallar Nazirliyinə istinadən xəbər verir ki, hadisə nəticəsində vətəndaşa məxsus həyətyanı sahədə tikilmiş taxta konstruksiyadan ibarət hamamın yanar konstruksiyaları yanıb.

Yanğından yaxınlıqdakı digər tikililər mühafizə olunub. Yanğın saat 23:47-də yanğınsöndürənlər tərəfindən söndürülüb.