Bakıda tanışını bıçaqlayan şəxs tutulub

Bakı. 9 sentyabr.REPORT.AZ/ Bakının Xətai Rayonunda 1971-ci il təvəllüdlü Mirzəyev Şahin Zaur oğlunu bıçaqlayan şəxs artıq saxlanılıb. Bu barədə Report-a Xətai Rayon Polis İdarəsindən (RPİ) məlumat verilib. Xətai RPİ 35-ci polis bölməsinin əməkdaşlarının keçirdikləri əməliyyat-axtarış tədbirləri nəticəsində hadisəni törədən paytaxt sakini Murad Babayev tutulub.

Faktla bağlı Xətai RPİ-də cinayət işi açılıb. Hadisənin baş vermə səbəbləri araşdırılır.

Qeyd edək ki, zərərçəkən Ş.Mirzəyevlə cinayəti törətmiş M.Babayev əvvəlcədən bir-birilərini tanıyıblar.