Bakıda sərnişin avtobusu qəza törədib, 5 nəfər yaralanıb - FOTO

Bakı. 18 sentyabr. REPORT.AZ/ Bakı Dairəvi yolunda qəza baş verib. Hadisə şahidlərinin "Report"a verdiyi məlumata görə, "Daewoo" markalı sərnişin avtobusu ilə "Man" markalı yük maşını toqquşub. Hadisə zamanı avtobusda olan 5 nəfər sərnişin xəsarət alıb. Onlar "Təcili yardım" maşını ilə xəstaxanaya aparılıb.

Qəzaya səbəb kimi yolun dar və hazırda Bakı şəhərində davam edən yağış nəticəsində sürüşkən olması göstərilir.

Yasamal Rayon Polis İdarəsinin (RPİ) əməkdaşları qəzanın dəqiq baş vermə səbəblərini araşdırır.