Bakı. 11 sentyabr. REPORT.AZ/ Bakının Sabunçu rayonunda oğurluq edən iki nəfər saxlanılıb. Sabunçu rayon Mühafizə İdarəsindən (RMİ) Report-a verilən məlumata görə, əməliyyat zamanı Naxçıvan Muxtar Respublikasının Şərur rayon sakinləri Səxavət Seyidov və Nuran Kərimov tutulub. Belə ki, sentyabrın 11-də gecə saat 2.40 radələrində RMİ-yə Sabunçu rayonunun Ramana qəsəbəsinin Südçülük sovxozu ərazisində yerləşən Rasim Cəfərova məxsus "Kamran market" mağazasından "Həyəcan siqnalı" daxil olub. RMİ-nin əməkdaşları dərhal hadisə yerinə gedib və obyektin dam örtüyünü sındıraraq içəri daxil olan S.Seyidov və N.Kərimov yaxalanaraq Sabunçu Royon Polis İdarəsinə təhvil verilib.
Tutulan hər iki şəxsin Sabunçu rayonu ərazisində kirayədə yaşadığı məlum olub.
Faktla bağlı idarənin istintaq şöbəsində araşdırmalar davam etdirilir.