Bakıda iki nəfər alkoqol zəhərlənməsindən ölüb

Bakı. 28 oktyabr. REPORT.AZ/ Bakıda iki nəfər alkoqol zəhərlənməsindən ölüb. Bu barədə “Report” DİN-in saytına istinadən xəbər verir.

Belə ki, oktyabrın 24-də Xətai rayonu ərazisindən 40-45 yaşlı kişi, oktyabrın 26-da isə Sabunçu rayonunun Pirşağı qəsəbəsindən 35-40 yaşlı kişi koma halında (alkoqoldan zəhərlənmə ilə)  xəstəxanalara gətirilib.

Onların hər ikisi oktyabrın 27-də ölüb.

DİN ölən şəxslərin adlarını açıqlamayıb.

Hər iki faktla bağlı araşdırma aparılır.