Bakıda zəncirvari qəza baş verib, yolda sıxlıq yaranıb

Bakı. 15 iyul. REPORT.AZ/ Bu gün səhər saatlarında Ziya Bünyadov prospektində (mərkəzə doğru) zəncirvari avtomobil qəzası baş verib. 

"Report"un Nəqliyyatı İntellektual İdarəetmə Mərkəzindən (NİİM) əldə etdiyi məlumata görə, yol-nəqliyyat hadisəsi ərazidə avtomobillərin hərəkətində sıxlıq yaradıb. 

Bundan başqa, Koroğlu Rəhimov küçəsində (Fətəli xan Xoyski prospekti istiqamətində), habelə Tbilisi prospektində (hər iki istiqamətdə) avtomobillərin hərəkətində sıxlıq müşahidə edilir.