​Bakıda yük avtomobili yerin çökməsi nəticəsində yarıya qədər torpağa batıb

Bakı. 6 noyabr. REPORT.AZ/ Bu gün saat 08:20 radələrində Bakının Xətai rayonunda “Kamaz” markalı yük avtomobili yerin çökməsi nəticəsində yarıya qədər torpağa batıb. “Report”un xəbərinə görə, Gəncə prospekti-103 ünvanında yerləşən binanın arxasında baş verən hadisə zamanı yük avtomobili mişar daşı ilə dolu olub.

Sürücü xəsarət almayıb.

Çökmənin hansı səbəblərdən baş verməsi araşdırmalardan sonra məlum olacaq.