Bakıda yanğın olub

Bakı. 10 fevral. REPORT.AZ/ Bakı şəhərinin Yasamal rayonunda ümumi sahəsi 600 kv.m olan ikimərtəbəli kommunal tipli yaşayış binasının dam örtüyünün yanar konstruksiyaları 200 kv.m sahədə yanıb. “Report” Fövqəladə Hallar Nazirliyinin (FHN) rəsmi saytına istinadən xəbər verir ki, dam örtüyünün qalan hissəsi və mənzillər yanğından mühafizə olunub. Yanğın yanğınsöndürənlər tərəfindən söndürülüb.