Bakıda velosiped oğrusu tutulub

Bakı. 31 iyul. REPORT.AZ/ Xətai rayonu ərazisində Bakı şəhər sakini Rövşən Məhərrəmova məxsus velosiped oğurlanıb. “Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Xətai Rayon Polis İdarəsi (RPİ) 34-cü Polis Bölməsi (PB) əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Ucar rayon sakini Emin Abdullayev tutulub.

Faktla bağlı araşdırmalar davam etdirilir.