Bakı. 22 fevral. REPORT.AZ/ Qarlı hava şəraiti səbəbindən Abşeron rayonunun Hökməli qəsəbəsində 3 avtomobil əsas yoldan kənara çıxıb.
“Report” Fövqəladə Hallar Nazirliyinə istinadən xəbər verir ki, qurumun “112” qaynar telefon xəttinə daxil olmuş məlumata əsasən, nəticədə 10 nəfər köməksiz vəziyyətdə qalıb.
Dərhal hadisə yerinə cəlb olunmuş xilasedicilər avtomobilləri yola çıxarıb və vətəndaşları xilas ediblər.