Bakıda qaldırıcı kran aşıb

Bakı. 20 noyabr. REPORT.AZ/ Bakıda bir neçə dəqiqə əvvəl qaldırıcı kran aşıb. "Report"un məlumatına görə, hadisə Bakı-Sumqayıt yolunda, Biləcəri dairəsi kimi tanınan ərazidə baş verib. Qəza Bakı-Sumqayıt yolunda tıxacın yaranmasına səbəb olub. Qəza zamanı xəsarət alanların olub-olmaması barədə hələlik məlumat yoxdur. Qaldırıcı kranın ərazidə olan nəqliyyat vasitəsinin üzərinə düşdüyü bildirilir. Hadisə yerində polislər və Fövqəladə Hallar Nazirliyinin əməkdaşları araşdırma aparır.