Bakıda qadından külli miqdarda narkotik vasitə götürülüb
Hadisə
20 Noyabr , 2014
11:59
https://static.report.az/photo/a726014f-78fd-415a-9ad0-5f2969acbcdf.jpg
Bakı. 20 noyabr. REPORT.AZ/ Bakıda qadından külli miqdarda narkotik vasitə götürülüb. Bu barədə "Report"a Bakı Şəhər Baş Polis İdarəsinin (BŞBPİ) mətbuat xidmətindən məlumat verilib. Binəqədi Rayon Polis İdarəsi Narkotiklə Mübarizə Bölməsi, 4-cü Polis Bölməsi əməkdaşlarının keçirdiyi əməliyyat-axtarış tədbirləri nəticəsində, Abşeron rayon sakini Teymur Orucova məxsus “Mercedes” markalı avtomobildən Yevlax rayon sakini, 1975-ci il təvəllüdlü Nəzakət Məmmədovaya məxsus 450 qram qurudulmş marixuana və 99,688 qram tiryək aşkar olunaraq götürülüb. Hər iki şəxs saxlanılaraq istintaqa təqdim olunub. Onların narkotik vasitəni əldə etdiyi mənbə araşdırılır.