Bakıda oğurluqla məşğul olan şəxs saxlanılıb

Bakı. 4 noyabr. REPORT.AZ/ Bakıda oğurluqla məşğul olan şəxs saxlanılıb. Bu barədə "Report"a Bakı Şəhər Baş Polis İdarəsinin mətbuat xidmətindən məlumat daxil olub.

Xətai Rayon Polis İdarəsi 34-cü Polis Bölməsi, Nizami Rayon Polis İdarəsi 25-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində, Bakı şəhər sakini Vüqar Davudova məxsus Sarayev küçəsində yerləşən mağazadan ətir oğurlamaqda şübhəli bilinən Bakı şəhər sakini, əvəllər məhkum olunan 1973-cü il təvəllüdlü Vidadi Məhərrəmov tutulub. Şübhəli şəxs ətrafında keçirilən ilkin araşdırmalar zamanı məlum olub ki, o, oktyabrın 31-də Bakı şəhər sakini Rəfail İsrafilova məxsus Sarayev küçəsində və noyabrın 2-də Bakı şəhər sakini Vüsal Abdullayevə məxsus Nizami rayonu R.Rüstəmov küçəsində yerləşən mağazalardan da mobil telefonları gizli yolla oğurlayıb. 

Faktla bağlı  V.Məhərrəmov barəsində cinayət işi başlanılıb, araşdırmalar davam edir.