Bakıda müəllim şagirdi döyüb, valideyn polisə şikayət edib

Bakı. 3 oktyabr. REPORT.AZ/ Bakının Suraxanı rayonunda yerləşən 104 saylı orta məktəbdə şagird döyülüb.

Rayon Polis İdarəsindən (RPİ) “Report”a daxil olan məlumata görə, bununla bağlı uşağın valideyni RPİ-yə şikayət edib.

Məlumata görə, Tanrıverdi Nəcəfov adlı valideyn Suraxanı RPİ-yə müraciət edərək bildirib ki, oğlu 2006-cı il təvəllüdlü F.N. məktəbdə İradə adlı müəllim tərəfindən döyülüb.

Faktla bağlı araşdırma aparılır.