Bakı. 9 fevral. REPORT.AZ/ Bakıda mağazadan “Milli Ön” ödəmə terminalı oğurlanıb. “Report” xəbər verir ki, bu barədə Daxili İşlər Nazirliyinin (DİN) rəsmi saytı məlumat yayıb.
Məlumata görə, Xəzər Rayon Polis İdarəsinin (RPİ) 2-ci Polis bölməsi (PB) əməkdaşlarının həyata keçirdikləri əməliyyat-axtarış tədbirləri nəticəsində yanvarın 30-da Abid İsrafilova məxsus mağazadan 70 manat və orada quraşdırılmış “Milli Ön” ödəmə terminalını oğurlamış Bakı şəhər sakinləri Firuz Abbasov, Azər Mirzəyev və Mədət Hüseynov tutulublar.
Faktla bağlı araşdırmalar davam etdirilir.