Bakıda laqunda ilə işləyən usta faciəli şəkildə ölüb

Bakı. 8 sentyabr. REPORT.AZ/ Bakıda usta kimi çalışan şəxs faciəli şəkildə ölüb.

“Report”un xəbərinə görə, hadisə paytaxtın Binəqədi rayonu, M.Ə.Rəsulzadə qəsəbəsində qeydə alınıb.

Orada yerləşən evdə usta işləyən 1986-ci il təvəllüdlü Ehtiram Quliyev laqunda ilə işləyərkən sağ ayağının bud hissəsini kəsib.

O, xəstəxanaya aparılarkən yolda dünyasını dəyişib.

Faktla bağlı hüquq-mühafizə orqanları araşdırma aparır.