Bakıda kütləvi davada iştirak edən şəxslər tutulub

Bakı. 3 may. REPORT.AZ/ Bakıda kütləvi davada iştirak edən şəxslər tutulub.

"Report" Daxili İşlər Nazirliyinin rəsmi saytına istinadən xəbər verir ki, Yasamal Rayon Polis İdarəsinin 28-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində mayın 1-də Bakı şəhər sakinləri Namiq Əşrəfova və Elşən Məmmədova bıçaqla xəsarət yetirməklə sağlamlıqlarına ağır zərər vurmuş həmyerliləri Babək Talıbov və Fərid Əlimədətzadə tutulublar.