​Bakıda köməksiz vəziyyətdə qalan azyaşlı xilas edilib

Bakı. 2 dekabr. REPORT.AZ/ Bakıda bir nəfər azyaşlı xilas edilib.

"Report" Fövqəladə Hallar Nazirliyinə istinadən xəbər verir ki, qurumun “112” qaynar telefon xəttinə daxil olmuş məlumata əsasən, paytaxtın Xətai rayonunda bir nəfər azyaşlı mənzildə bağlı qapı arxasında köməksiz vəziyyətdə qalıb.

Hadisə yerinə cəlb edilmiş xilasedicilər mənzilin giriş qapısını açaraq azyaşlını xilas edib və aidiyyəti üzrə təhvil veriblər.