Bakıda kişi meyiti tapılıb

Bakı. 29 noyabr. REPORT.AZ/ Bakının Nizami rayonu ərazisində üzərində zorakılıq əlamətləri görünməyən kişi meyiti tapılıb. "Report" Daxili İşlər Nazirliyinin (DİN) rəsmi saytına istinadən xəbər verir ki, Q.Qarayev prospekti ev 84-ün qarşısında üzərində zorakılıq əlamətləri görünməyən 50-55 yaşlı kişi meyiti aşkarlanıb. Hadisə yerinə polis və prokurorluq orqanlarının əməkdaşları cəlb olunub. Meyitin şəxsiyyətinin müəyyən edilməsi istiqamətində araşdırmalar aparılır.