​Bakıda evdən qızıl əşyalar oğurlayan şəxslər tutulub

Bakı. 10 oktyabr. REPORT.AZ/ Bakıda evdən qızıl əşyalar oğurlayan şəxslər tutulub.

"Report"un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Binəqədi Rayon Polis İdarəsi (RPİ) 6-cı Polis Bölməsi (PB) əməkdaşlarının həyata keçirdikləri əməliyyat-axtarış tədbirləri nəticəsində oktyabrın 5-də Fərqanə İbrahimovanın evindən qızıl əşyalar oğurlayan Bakı şəhər sakinləri Namiq Pirverdiyev, Simran İlyasov və Niyaz Fərəməzov tutulub.

N.Pirverdiyevdən 5,21 qram marixuana götürülüb.