Bakı. 10 dekabr. REPORT.AZ/ Bakıda axtarışda olan şəxslər saxlanılıb. Bu barədə "Report"a Bakı Şəhər Baş Polis İdarəsinin mətbuat xidmətindən məlumat daxil olub. Səbail Rayon Polis İdarəsi (RPİ) 8-ci Polis Bölməsi (PB), Nəsimi RPİ 19-cu PB, Xətai RPİ Cinayət Axtarış Şöbəsi 35-ci PB əməkdaşlarının keçirdikləri əməliyyat-axtarış tədbirləri nəticəsində, cinayət məcəlləsinin (CM) 178-ci (dələduzluq) maddəsi ilə axtarışda olan, müvafiq olaraq, Sumqayıt şəhər sakini Nail Şirinov, borclu kimi axtarışda olan Vəfai Mustafayev, CM-nin 221-ci (xuliqanlıq) maddəsi ilə axtarışda olan Aytən Balayeva tutulub.
Saxlanılan şəxslər barəsində istintaq araşdırmaları aparılır.