Bakı. 26 dekabr. REPORT.AZ/ Bakıda axtarışda olan iki nəfər saxlanılıb. Bu barədə "Report"a Bakı Şəhər Baş Polis İdarəsinin mətbuat xidmətindən məlumat verilib.
Belə ki, Səbail Rayon Polis İdarəsi (RPİ) 9-cu Polis Bölməsi (PB), Sabunçu RPİ-13-cü PB əməkdaşlarının keçirdikləri əməliyyat-axtarış tədbirləri nəticəsində, müvafiq olaraq, Cinayət Məcəlləsinin 178-ci (dələduzluq) maddəsi ilə axtarışda olan 1965-ci il təvəllüdlü Əlibəy Dadaşov, CM-nin 179-cu (mənimsəmə və ya israf etmə) maddəsi ilə axtarışda olan 1983-cü il təvəllüdlü İsmayıl Hacıyev tutulub.
Hər iki faktla bağlı araşdırmalar davam etdirilir.