Bakıda ağır yol-nəqliyyat hadisəsi baş verib, 21 nəfər xəsarət alıb

Bakı. 17 iyul. REPORT. AZ/ Paytaxtın Heydər Əliyev prospektində ağır yol-nəqliyyat hadisəsi baş verib.

"Report" AzərTAC-a istinadən xəbər verir ki, 171 saylı marşrut üzrə hərəkət edən “Daewoo” markalı avtobusla “Shacman” markalı yük maşını toqquşub. Nəticədə yük maşını yoldan çıxıb, avtobus isə aşıb.

Qəza nəticəsində 21 nəfər yaralanıb. Xəsarət alanlar xəstəxanaya yerləşdirilib.

Hazırda faktla bağlı araşdırmalar aparılır. Qəzadan sonra prospektdə yaranan sıxlığın aradan qaldırılması istiqamətində tədbirlər görülür.