Bakı. 25 avqust. REPORT.AZ/ Bakının Sabunçu rayonunda 19 yaşlı qız naməlum şəraitdə bıçaqlanıb.
“Report”un xəbərinə görə, hadisə rayonun Bakıxanov qəsəbəsində qeydə alınıb.
Qəsəbənin Ş.Kamilov küçəsi ev 5 ünvanında yaşayan 1997-ci il təvəllüdlü Mirfatimə Quliyeva qarın nahiyəsindən aldığı dörd bıçaq xəsarəti ilə 3 saylı Şəhər Klinik Xəstəxanasına daxıl olub, vəziyyəti ağırdır.
Onun kim tərəfindən və hansı şəraitdə bıçaqlandığı məlum deyil.
Faktla bağlı araşdırma aparılır.