Bakıda 17 sakinə məxsus evdən oğurluq edən qrup üzvləri tutulub

Bakı. 21 aprel. REPORT.AZ/ Bakıda 17 sakinə məxsus evdən oğurluq edən qrup üzvləri tutulub.

“Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Məlumata görə, Xəzər Rayon Polis İdarəsinin (RPİ) əməkdaşlarının həyata keçirdikləri əməliyyat-axtarış tədbirləri nəticəsində martın 7-dən aprelin 18-dək olan müddətdə 17 paytaxt sakininə məxsus evlərdən pul, qızıl, gümüş, geyim və məişət əşyaları oğurlayan, habelə 2 mənzildən oğurluğa cəhd göstərən Bakı şəhər sakinləri, əvvəllər məhkum olunmuş Zöhrab Rəhimov, Samir Sultanov, Elməddin Abbasov, Ərxan Novruzov və Murad Musayev tutulublar.

Faktla bağlı araşdırma aparılır.