Bakı sakininə qarşı 192 min manatlıq dələduzluq edilib

Bakı. 7 iyun. REPORT.AZ/ Bakı şəhər sakini 56 yaşlı Sənan Həsənov hüquq-mühafizə orqanlarına müraciət edərək dələduzluqla üzləşdiyini bildirib.

“Report”un xəbərinə görə, o, paytaxt sakini 1983-cü il təvəllüdlü Elnur Rzayev tərəfindən aldadıldığını deyib.

S.Həsənovun iddiasına görə, E.Rzayev onun 192 min manat pulunu alaraq qaytarmayıb.

Faktla bağlı araşdırma aparılır.