Bakı. 13 noyabr. REPORT.AZ/ Goranboyda ölümlə nəticələnən yol qəzası baş verib. "Report" xəbər verir ki, hadisə rayonun Xanqərvənd kəndində qeydə alınıb. Bakı şəhər sakini Baba Yusifovun idarə etdiyi “Niva” və Naftalan şəhər sakini Ramil Mustafayevin idarə etdiyi “Mercedes” markalı avtomobillər toqquşub. Nəticədə "Niva" markalı avtomobildə olan sərnişin Zeynal Təhməzov hadisə yerində ölüb. Hər iki avtomobilin sürücüsü və digər sərnişinlər xəstəxanaya yerləşdirilib.
Faktla bağlı Goranboy Rayon Polis Şöbəsində araşdırma aparılır.