Faktla bağlı Sabunçu rayon Prokurorluğunda Cinayət Məcəlləsinin iki maddəsi ilə cinayət işi başlanılıb
Bakı. 8 aprel. REPORT.AZ/ Bakı şəhər sakini bacısını öldürüb, əmisi oğlunu isə bıçaqlayıb. Bu barədə “Report”a Bakı Şəhər Prokurorluğundan məlumat verilib.
Belə ki, Maştağa qəsəbəsində 1991-ci il təvəllüdlü Cavadov Seyid Mirəli oğlu bacısı 1987-ci il təvəllüdlü İzzət Cavadovaya çoxsaylı bıçaq xəsarətləri yetirərək qətlə yetirib. Onun həyat yoldaşı, eyni zamanda əmisi oğlu olan 1984-cü il təvəllüdlü Mürsəl Cavadovu isə bıçaqla yaralayıb.
Faktla bağlı Sabunçu rayon Prokurorluğunda Cinayət Məcəlləsinin 120.1 (qəsdən adam öldürmə) və 29, 120.2.7-ci (iki və ya daha çox şəxsi öldürməyə cəhd) maddələri ilə cinayət işi başlanılıb, istintaq aparılır.