Bakı polisi üç ay əvvəl itkin düşmüş qızı tapıb

Bakı. 1 noyabr. REPORT.AZ/ Bakı polisi təxminən üç ay əvvəl itkin düşmüş qızı tapıb. Bu barədə “Report”a Bakı Şəhər Baş Polis İdarəsinin (BŞBPİ) mətbuat xidmətindən bildirilib.

Məlumata görə, BŞBPİ-nin Cinayət Axtarış İdarəsi əməkdaşlarının həyata keçirdikləri əməliyyat-axtarış tədbirləri nəticəsində Sabunçu rayonu E.Mehdiyev küçəsində yaşayan Elnarə Abdullayeva tapılaraq Sabunçu Rayon Polis İdarəsinin 12-ci Polis Bölməsinə təhvil verilib.

Qeyd edək ki, E.Abdullayeva bu il iyulun 20-də saat 08:00 radələrində itkin düşüb.