​Bakı və Balakəndə yanğın hadisələri baş verib

Bakı. 8 yanvar. REPORT.AZ/ Bakının Sabunçu rayonunda vətəndaşa məxsus birmərtəbəli 2 otaqlı evin 1 otağında yanğın baş verib.

"Report" Fövqəladə Hallar Nazirliyinə (FHN) istinadən xəbər verir ki, evin qalan hissəsi yanğından mühafizə olunub. Yanğın söndürülüb.

FHN-in məlumatına görə, digər yanğın hadisəsi Balakən rayonu, Yeni Şərif kəndində, rayon mərkəzindən 22 km aralıda qeydə alınıb. Yerli vətəndaşa məxsus köməkçi tikilinin yanar konstruksiyaları yanıb. Yanğın yanğınsöndürənlər tərəfindən söndürülüb.