Azərbaycan Konstitusiya Məhkəməsi Palatasının iclası keçirilib

Bakı. 18 sentyabr. REPORT.AZ/ Azərbaycan Konstitusiya Məhkəməsi Palatasının növbəti iclası keçirilib. “Report” xəbər verir ki, iclasda Azərbaycan Konstitusiyasının 130-cu maddəsinin VI hissəsinə əsasən, İnzibati Xətalar Məcəlləsinin 37-ci, Cinayət Prosessual Məcəlləsinin 398.1.4-cü, 407.2-ci və 412.7-ci maddələrinin şərh edilməsinə dair Quba Rayon Məhkəməsinin iki müraciətinə baxılaraq icraata qəbul olunması haqqında qərarlar çıxarılıb.

Müraciətlərə mahiyyəti üzrə, Konstitusiya Məhkəməsi Plenumunun oktyabrın 17-nə və 21-nə təyin edilmiş iclaslarında baxılacaq.