Bakı. 27 oktyabr. REPORT.AZ/ Azərbaycan Daxili İşlər Nazirliyində (DİN) kadr islahatı həyata keçirilib. “Report” xəbər verir ki, nazir general-polkovnik Ramil Usubovun əmri ilə Qaradağ Rayon Polis İdarəsinin 11-ci Polis Bölməsinin rəisi Vüsal Qaraşov Səbail Rayon Polis İdarəsinin 8-ci Polis Bölməsinə rəis təyin olunub.
Qeyd edək ki, polis polkovnik-leytenantı V.Qaraşov Lənkəran Şəhər İcra Hakimiyyətinin başçısı Taleh Qaraşovun oğludur. İşdən azad olunan 8-ci Polis Bölməsinin keçmiş rəisi Yaşar Həsənov isə Hava Nəqliyyatında Polis İdarəsinin sabiq rəisi Münasib Həsənovun övladıdır.