​Azərbaycanda kişi arvadını, sonra isə özünü güllələyib

Bakı. 29 iyul. REPORT.AZ/ Sabirabad rayonunda ər arvadını güllələyib. “Report”un xəbərinə görə, hadisə rayonun Ulacalı kəndində baş verib.

Belə ki, 1969-cu il təvəllüdlü Azad Alışov ov tüfəngi ilə həyat yoldaşı - 1983-cü il təvəllüdlü Sədaqət Alışovanı güllələyib. Daha sonra A.Alışov həmin tüfənglə özünə də xəsarət yetirib.

Hər iki yaralı ağır vəziyyətdə rayon xəstəxanasına yerləşdirilib.

Faktla bağlı Sabirabad rayon prokurorluğunda cinayət işi başlanılıb, araşdırma aparılır.