Ağstafada 57 yaşlı kişini elektrik cərəyanı vurub

Bakı. 29 mart. REPORT/ Ağstafa rayonunda 57 yaşlı kişini elektrik cərəyanı vurub. "Report"un məlumatına görə, hadisə rayonun Dağ Kəsəmən kəndində baş verib. 

Ağstafa rayonunun Xılxına kənd sakini, 1959-cu il təvəllüdlü Əsədulla Bağırovu elektrik cərəyanı vuraraq öldürüb. 

Qeyd edək ki, Ə.Bağırov Ağstafa rayon Paylayıcı Elektrik Şəbəkəsində montyor vəzifəsində çalışıb. 

Faktla bağlı araşdırmalara başlanıb.