Uqandanın qapıçısı 29 yaşında dünyasını dəyişib

Bakı. 29 mart. REPORT.AZ/ Uqanda milli komandasının qapıçısı Abel Daira 29 yaşında dünyasını dəyişib. "Report"un BBC-yə istinadən verdiyi məlumata görə, onun ölümünə səbəb xərçəng xəstəliyi olub.

Daira İslandiyada yaşayıb və yerli klublardan birində çıxış edib. Ona xərçəng diaqnozu bir neçə ay öncə qoyulub.

Qapıçı millidə 2009-cu ildə debüt edib və 13 oyuna çıxıb.