​Tərlan Əhmədova fəxri ad verilib

Bakı. 19 mart. REPORT.AZ/ Bakının AZAL futbol klubunun baş məşqçisi Tərlan Əhmədova Gənclər və İdman Nazirliyinin qərarı ilə fəxri ad verilib. 

"Report"un məlumatına görə, 44 yaşlı mütəxəssis “Azərbaycan Respublikasının əməkdar məşqçisi” adına layiq görülüb.

“Xəzər Lənkəran”a qarşı oyundan sonra klubun vitse-prezidenti Fikrət Hüseynov komandanı qələbə və qarşıdan gələn Novruz bayramı münasibətilə təbrik etdikdən sonra baş məşqçini xüsusi təbrik edib. F.Hüseynov elə paltardəyişmə otağındaca T.Əhmədova vəsiqəni və döş nişanını təqdim edib.