Bakı. 18 sentyabr. REPORT.AZ/ Yunanıstanın PAOK klubunun futbolçusu Rikardu Koşta Avropa Liqasının qrup mərhələsində Bakıda keçirilmiş "Qəbələ" ilə oyun haqda fikirlərini bildirib. "Report"un məlumatına görə, portuqaliyalı müdafiəçi UEFA-ya açıqlamasında Azərbaycan təmsilçisinin güclü komanda oluğunu və bunu "pley-off" mərhələsində "Panatinaikos"la qarşılaşmada təsdiqlədiyini deyib.
O, nəticəni ədalətli adlandırıb: "Qəbələ" güclü komanda olduğunu "Panatinaikos"la oyunda sübut etdi. Onlar inadkarcasına mübarizə aparır. Bizim 3 xal qazanmaq üçün imkanlarımız oldu, ancaq bu cəhdlər uğursuz alındı. Hər şey heç-heçəyə doğru gedirdi. Amma nəticəni uğursuz adlandıra bilmərəm".
Qeyd edək ki, PAOK-la "Qəbələ" arasındakı təkrar qarşılaşma noyabrın 26-da Yunanıstanda keçiriləcək.