Bakı. 27 Avqust. REPORT.AZ/ Bu gün futbol üzrə UEFA Avropa Liqasının "play-off" mərhələsinin cavab qarşılaşmaları keçirilib.
"Report" xəbər verir ki, bu mərhələdə Azərbaycanın iki təmsilçisindən biri olan "Qarabağ" Tofiq Bəhramov adına Respublika stadionunda İsveçrənin "Young Boys" klubunu qəbul edib.
Səfərdən 1:0 hesablı qələbə ilə qayıdan Ağdam klubu doğma meydanda da rəqib futbolçulara aman verməyib və isveçrəlilərin qapısından 3 cavabsız top keçirib - 3:0.
Beləliklə də, ümumi hesabda 4:0-lıq qələbə qazanan "Qarabağ" kollektivi Azərbaycan və klub tarixində ilk dəfə olaraq ikinci dəfə Avroliqanın final mərhələsinə vəsiqəni özünə təmin edib.
Avropa Liqası. "Play-off" mərhələsi. Cavab oyunu
"Qarabağ" - "Young Boys" - 3:0
Qollar: Richard Almeida, 4 (pen. 1:0), Reynaldo, 43 (2-0), Əfran İsmayılov, 61 (3-0)
Foto: İsmayıl Nur